Fréttabréf 0502 - Sænsk- íslensk viðskiptaráðstefna.

Sænsk-íslensk viðskiptaráðstefna.

Þann 8. október sl. flutti Valgerður Sverrisdóttir, iðnaðar- og

viðskiptaráðherra, ræðu á ráðstefnu sem haldin var í Stokkhólmi um viðskipti

Íslands og Svíþjóðar. Ráðstefnan var skipulögð af Norden i Fokus í samvinnu

við sendiráð Íslands í Stokkhólmi. Í ræðu sinni fjallaði ráðherrann m.a. um

vaxandi starfsemi íslenskra fyrirtækja í Svíþjóð og svaraði fyrirspurnum

ráðstefnugesta um íslenskt viðskiptalíf. Meðal ræðumanna á ráðstefnunni var

Sigurður Einarsson, stjórnarformaður Kaupþings Búnaðarbanka, og fjallaði

hann um reynslu bankans af starfseminni í Svíþjóð. Í ferðinni átti Valgerður

fund með Svavari Gestsyni sendiherra og starfsfólki hans þar sem ráðherra

voru kynnt ýmiss verkefni sem unnið er að í sendiráðinu til að efla

viðskipti á milli Íslands og Svíþjóðar.