Leiðbeiningar fyrir umsækjendur um endurgreiðslu vegna framleiðslu kvikmynda eða sjónvarpsefnis, skv. lögum nr. 43/1999, með síðari breytingum, og reglugerð nr. 1011/2007, með síðari breytingum.

Umsókn um endurgreiðslu verður að beina til iðnaðarráðuneytisins áður en framleiðsla kvikmyndar eða sjónvarpsefnis hefst hér á landi.

Í umsókn um endurgreiðslu skal eftirfarandi koma fram:

1) Heiti umsækjanda.

2) Lögheimili.

3) Póstnúmer og staður.

4) Símanúmer.

5) Netfang.

Með umsókn skulu fylgja eftirtalin gögn:

A) Greinargerð um að kvikmynd eða sjónvarpsefni falli að markmiðum laga nr. 43/1999, sbr. 4. gr. laganna og 2. gr. reglugerðar nr. 1011/2007.

B) Vottorð hlutafélagaskrár um skráningu umsækjanda, ásamt samþykktum eða stofnfundargerð, sem innihaldi stofnsamning og samþykktir umsækjanda.

C) Framleiðsluáætlun og sundurliðuð áætlun um framleiðslukostnað og fjármögnun auk staðfestingar fjármögnunaraðila og upplýsingar um fyrirhugaða dreifingu.

D) Upplýsingar um efni kvikmyndar eða sjónvarpsefnis, þ.á m. stuttur efnisútdráttur, handrit og upplýsingar um tökustaði.

E) Upplýsingar um helstu aðstandendur og hlutdeild innlendra aðila við framleiðslu.

Umsóknir skulu sendar á heimilisfangið:

Iðnaðarráðuneyti,

Arnarhvoli,

150 Reykjavík.

Heimilt er að senda umsóknir á íslensku og ensku.

Ekki er unnt að taka umsókn til afgreiðslu fyrr en fullnægjandi gögn hafa verið lögð fram. Umsækjanda er heimilt að senda með umsókn önnur þau gögn er hann telur til þess fallin að auðvelda afgreiðslu umsóknarinnar.

Afgreiðslunefndinni, sem starfar á grundvelli 3. gr. laga nr. 43/1999, er heimilt að óska eftir frekari gögnum telji hún ástæðu til.