Löggilding starfsheita í nokkrum tækni- og hönnunargreinum

Löggilding starfsheita í nokkrum tækni- og hönnunargreinum:

Leyfi um starfsheiti er veitt skv. lögum um löggildingu nokkurra starfsheita sérfræðinga í tækni-og hönnunargreinum, nr. 8/1996. Þessi starfsheiti eru:

• arkitektar/húsameistarar
• byggingafræðingar
• hagfræðingar
• húsgagna- og/eða innanhússarkitektar (húsgagna- og/eða innanhússhönnuðir)
• iðnfræðingar
• landslagsarkitektar (landslagshönnuðir)
• raffræðingar
• skipulagsfræðingar
• tæknifræðingar
• tölvunarfræðingar
• próf í verðbréfaviðskiptum
• verkfræðingar

• Umsókn um starfsheiti (annarra en raffræðinga) sem skal vera skrifleg, sendist ásamt staðfestu ljósriti prófskírteina með einkunnum, til iðnaðarráðuneytis, Arnarhvoli, 150 Reykjavík.
• Umsókn um starfsheiti raffræðinga skal vera skrifleg og sendist ásamt staðfestu ljósriti prófskírteina til iðnaðarráðuneytis, Arnarhvoli, 150 Reykjavík.

Meðferð umsóknar:
Iðnaðarráðuneyti sendir umsókn og ljósrit prófskírteina til umsagnar fagfélaga.

Ef umsögnin er jákvæð er útbúið leyfisbréf og umsækjanda tilkynnt að leyfisbréfið sé til afhendingar í iðnaðarráðuneyti gegn greiðslu gjalds í samræmi við lög um aukatekjur ríkissjóðs, nr. 88/1991.

Nánari upplýsingar um starfsleyfisveitingar gefur Guðrún Skúladóttir, deildarstjóri.