Starfsleyfi til leitar og vinnslu málma, málmblendinga og annarra jarðefna úr jörð.
Lög um rannsókn og nýtingu á auðlindum í jörðu, nr. 57/1998 kveða á um réttindi og skyldur þeirra sem vilja leita að eða vinna málma, málmblendinga og önnur jarðefni úr jörðu.
Reglugerð um vinnslu og nýtingu vikurs, nr. 514/1995, gildir um vikurvinnslu en er einnig notuð til viðmiðunar fyrir vinnslu annarra lausra jarðefna.
Vinnsla málma og lausra jarðefna getur verið háð mati á umhverfisáhrifum, sjá lög um mat á umhverfisáhrifum, nr. 63/1993.
Afla þarf leyfis iðnaðarráðherra til leitar og til vinnslu jarðefna hér á landi. Aðeins er heimilt að veita íslenskum aðilum slíkt leyfi að fengnu samþykki Alþingis. Umsókn skal vera skrifleg og sendast til iðnaðarráðuneytis.
Í umsókninni þarf eftirfarandi m.a. að koma fram:
- Nafn, lögheimili, og lýsing á starfsemi umsækjanda.
- Til hvaða jarðefna eða málmtegunda umsóknin nær.
- Tímalengd leyfis.
- Staðarmörk þess svæðis sem umsóknin nær til.
- Frumdrættir að fyrirhuguðum framkvæmdum, eins og við á.
- Verk- og kostnaðaráætlun ásamt yfirliti um fjármögnun framkvæmdanna.
- Upplýsingar um þekkingu og hæfni þeirra sem að framkvæmdunum koma, eins og máli skiptir.
- Upplýsingar um vinnsluaðferðir og frágang vinnusvæða, eins og við á.
Nánari upplýsingar um leyfi til leitar og vinnslu málma, málmblendinga og annarra jarðefna úr jörðu gefur
Ásdís Elva Rögnvadlsdóttir, deildarsérfræðingur.
Meðferð umsóknar:
Áður en leyfi er gefið út ber leyfishafa að leggja fram tryggingar fyrir framkvæmdum sínum og mögulegum vanefndum. Ráðherra ákveður upphæð tryggingar eftir eðli og umfangi framkvæmdanna hverju sinni. Leyfishafi skal greiða leyfisgjald, sem m.a. er til að kosta eftirlit með starfseminni. Leyfishafi þarf árlega að skila ráðuneytinu greinargerð um starfsemi skv. leyfinu. Óheimilt er að framselja leyfi nema að fengnu samþykki ráðherra.
