Katrín Júlíusdóttir iðnaðarráðherra
Katrín Júlíusdóttir var skipuð iðnaðarráðherra 10. maí 2009. Hún hefur setið á Alþingi fyrir Samfylkinguna í Suðvesturkjördæmi frá 2003. Fulltrúi í iðnaðarnefnd Alþingis frá 2005 til 2009 og þar af formaður nefndarinnar frá 2007. Sat í allsherjarnefnd 2003 til 2004, menntamálanefnd 2003 til 2005 og 2007 til 2009, félagsmálanefnd 2004 til 2005, fjárlaganefnd 2005 til 2007 og umhverfisnefnd 2007 til 2009. Formaður Íslandsdeildar þingmannanefndar EFTA 2007 til 2009. Fulltrúi í framkvæmdastjórn Samfylkingarinnar 2000 til 2003, þar af varaformaður frá 2001. Átti sæti í stjórn Evrópusamtakanna 2000 til 2003. Katrín var verkefnastjóri og ráðgjafi hjá ráðgjafar- og hugbúnaðarhúsinu Innn hf. 2000 til 2003. Framkvæmdastjóri Stúdentaráðs Háskóla Íslands 1998 til 1999. Framkvæmdastjóri og áður innkaupastjóri hjá G. Einarsson & co ehf. 1994 til 2000. Nam mannfræði við Háskóla Íslands 1995 til 1999 og sótti námskeið í verkefnastjórnun í hugbúnaðargerð hjá Endurmenntunarstofnun Háskóla Íslands 2001. Katrín er fædd 23. nóvember 1974. Hún á soninn Júlíus, fæddan 1999.