17. heimsþing Alþjóða orkuráðsins
Iðnaðar- og viðskiptaráðuneyti
Nr. 13/1998
Yfirskrift ráðstefnunnar er að þessu sinni "Orka og tækni - Burðarásar framfara um víða veröld fram á nýtt árþúsund." Sérstaklega verður hugað að frekari þróun nýtingar á hefðbundnum auðlindum og með hvaða hætti óhefðbundnari aðferðir eða auðlindir geti leyst af hólmi þær sem nú eru hvað algengastar. Sérstök áhersla er á sjálfbæra þróun við orkuöflun og -nýtingu, hvort og þá með hvaða hætti megi mæta auknum kröfum á því sviði.
Finnur Ingólfsson, iðnaðar- og viðskiptaráðherra, mun sitja ráðstefnuna fyrir Íslands hönd. Með honum í för verða Þórður Friðjónsson, ráðuneytisstjóri og Jón Ingimarsson, skrifstofustjóri í iðnaðarráðuneytinu.
Nánari upplýsingar um ráðstefnuna er að finna á vefsíðu hennar, slóðin er: www.wec98congress.org
Reykjavík 11. september 1998.