Átak til leitar að jarðhita á köldum svæðum
Iðnaðar- og viðskiptaráðuneyti
Nr. 7/1998
Iðnaðarráðherra boðar til blaðamannafundar í Borgartúni 6, fimmtudaginn 7. maí, kl. 11:00.
Tilefni fundarins er undirritun samkomulags milli iðnaðarráðuneytis, Orkuráðs og Byggðastofnunar um sérstakt átak til leitar að jarðhita á svokölluðum köldum svæðum.
Samkomulag hefur tekist milli ofangreindra aðila um fjármögnun tveggja ára átaks á þessu sviði, með allt að 60 milljóna króna framlagi. Á fundinum verður blaðamönnum kynnt innihald samkomulagsins.
Reykjavík, 6. maí 1998